Նախընտրելի
Հիվանդանոցից ոստիկանության Էրեբունու բաժնում հաղորդում է ստացվել, որ ապրիլի 25-ին մարմնական վնասվածքներով իրենց մոտ բուժօգնության է տեղափոխվել 57-ամյա Սարգիս Մ.-ն:
Ոստիկանության մամուլի ծառայությունից NEWS.am-ին հայտնում են, որ մեկնած օպերատիվ խմբին նա հայտնել է, որ նույն օրը, ժամը 16.00-ին, թիվ 81 երթուղային տաքսու վարորդը Սասունցի Դավթի հրապարակի մոտակայքում ծեծի է ենթարկել իրեն եւ պատճառել վնասվածքներ:
Նշանակվել է դատաբժշկական փորձաքննություն:
Ապրիլի 26-ին, ժամը 14.30-ին, պարզվել է, որ Սարգիս Մ.-ին ծեծի ենթարկել եւ վնասվածքները պատճառել է 29-ամյա Արմեն Ս.-ն:
Կատարվում է քննություն:
