Թուրքիայի ԱԳ նախարար Ահմեդ Դավութօղլուն հեռախոսազրույց է ունեցել ԱՄՆ պետքարտուղար Հիլարի Քլինթոնի եւ Եգիպտոսի իր գործընկեր Նեբիլ Էլ Արաբիի հետ։

Թուրքական CNNturk-ի փոխանցմամբ՝  Քլինթոն-Դավութօղլու հեռախոսազրույցի ընթացքում  քննարկվել են Պաղեստինում ներքաղաքական հաշտեցման ընթացքը եւ Լիբիայի հետ կապված Թուրքիայի պատրաստած ճանապարհային քարտեզի մանրամասները։  

Դավութօղլուն Եգիպտոսի ԱԳ նախարարի հետ եւս քննարկել է Պաղեստինում 2 քաղաքական ուժերի հաշտեցման գործընթացը։

Նշենք, որ Al Jazera-ն հայտնել էր, որ պաղեստինյան Համասն ու Ֆաթհը համաձայնության են հասել ազգային միասնության կառավարություն ձեւավորելու վերաբերյալ, որի ընթացքում որոշվել է համընդհանուր ընտրությունների անցկացման ժամկետը։

Համաձայնության պաշտոնական ձեւակերպումը նախատեսվում է առաջիկայում Կահիրեում: