Թուրքիայի Մալաթիա քաղաքում Հայաստանի քաղաքացի Արծվիկ Չախոյանն ինքնասպանության փորձ է կատարել՝ իրեն նետելով 35 մետր բարձրություն ունեցող վերգետնյա անցումից։

Թուրքական IHA գործակալության փոխանցմամբ՝ 58-ամյա հայուհին Մալաթիայում ամուսնացել էր  78-ամյա Հ. Է-ի հետ։  Ինքնասպանության փորձ կատարած Արծվիկ Չախոյանը ձեռքի եւ ոտքերի բազմաթիվ կոտրվածքներով տեղափոխվել է Մալաթիայի պետական հիվանդանոց։  Նա Հայաստանում բաժանվել էր իր ամուսնուց եւ երեխայի հետ տեղափոխվել Թուրքիա։

Դեպքի հետ կապված ոստիկանությունը  հետաքննություն է սկսել։