Չնայած նախապես հայտարարված ոչ թռիչքային եղանակին, «Արմավիա»  ավիաընկերության օդանավի անձնակազմը պատրաստվում է Սոչի-Երեւան չվերթի իրականացմանը, որը նախատեսված է Երեւանի ժամանակով ժամը  17:55-ին:

Ինչպես NEWS.am-ի թղթակցի հետ զրույցում ասաց «Արմավիա» ավիաընկերության մամուլի քարտուղար Նանա Ավետիսովան, օդանավի անձնակազմը ներկայումս պատրաստվում է  չվերթի իրականացմանը, սակայն թռիչքից 1,5- 2 ժամ առաջ,  եթե եղանակային պայմաններն անբարենպաստ լինեն, այն կարող է հետաձգվել:

Նա դժվարացավ ասել, թե քանի ուղեւոր է Սոչի-Երեւան չվերթի տոմս գնել:

Նշենք, որ Սոչիում ոչ թռիչքային եղանակի պատճառով մոտ 2,5 հազար ուղեւոր սպասում է քաղաքի հյուրանոցներում ու օդանավակայանում, որոնց չվերթերը հետաձգվել են: 

Միաժամանակ Սոչիի օդերեւութաբանները ենթադրում են, որ օրվա կեսին եղանակը նկատելի կլավանա: