նախընտրելի դարձնել
Ալժիրում ջիհադիստը մահապատժի է դատապարտվել 6 տարի առաջ ֆրանսիացի լեռնագնացին առեւանգելու եւ գլխատելու համար, հաղորդում է AFP-ը:
2014 թվականին Էրվե Գուրդելի սպանության համար պատասխանատվություն է ստանձնել ջիհադիստական բջիջը, որը կապ ունի «Իսլամական պետություն» խմբավորման հետ:
55-ամյա Գուրդելին առեւանգել էին Հյուսիսային Աֆրիկայում Ջուրջուրա ազգային պարկում:
Նրա անհետացումից հետո 3 օր անց «Ջունդ ալ-Խալիֆաթ» («Խալիֆաթի զինվորները») խմբավորման զինյալները նրա սպանության սարսափելի տեսանյութ էին հրապարակել:
Մեղադրանք է առաջադրվել 14 անձի: Նրանցից 8-ից միայն մեկը՝ Աբդելմալեք Համզաուին, գտնվում է կալանքի տակ, մյուս 7-ը հեռակա կարգով մահապատժի է դատապարտվել:
Համզաուին մեղավոր է ճանաչվել եւ դատապարտվել մահապատժի՝ չնայած նրան, որ 1993 թվականից Ալժիրում գործում է մահապատժի մորատորիում:
Գուրդելին առեւանգները պահանջել են Սիրիայում եւ Իրաքում ԱՄՆ գլխավորությամբ կոալիցիայի ավիահարվածների դադարեցում: Կոալիցիայի կազմում է նաեւ Ֆրանսիան: Փարիզը մերժել է նրանց պահանջը:
Գուրդելի մարմինը հայտնաբերել են հաջորդ տարվա հունվարին 3000 ալժիրցի զինվորների մասնակցությամբ օպերացիայից հետո: Նրա մնացորդները հայտնաբերվել են ականապատ գերեզմանատանը:
