Նախընտրելի
Իրանը հուսադրող ազդանշաններ է փոխանցում համաշխարհային տերությունների եւ ԱՄՆ-ի հետ ոչ պաշտոնական բանակցությունների բացման մասին: Այս մասին գրում է Reuters-ը՝ հղում անելով ֆրանսիական դիվանագիտական աղբյուրին:
Իրանը դեռ հրաժարվում է մասնակցել հանդիպմանը, որը կազմակերպել է Եվրամիությունը 2015 թվականի միջուկային գործարքի վերսկսման հարցով ԱՄՆ-ի եւ համաշխարհային տերությունների միջեւ:
«Ամեն ինչ ճիշտ ուղղությամբ է ընթանում, եւ մենք դրական ազդանշաններ ենք ստացել այս շաբաթ: Նպատակը մինչեւ Նավրուզի (Իրանում Ամանորը) սկիզբ՝ մինչեւ մարտի 20-ը բոլոր կողմերին սեղանի շուրջ հավաքելն է: Մենք գործադրում ենք բոլոր ջանքերը, որպեսզի այդ հանդիպումը կայանա մոտ օրերս»,-հայտնել է աղբյուրը:
