Մոլդովայի նախագահ Մայա Սանդուն այսօր հրամանագիր է ստորագրել, որի համաձայն՝ 2021 թվականի մարտի 15-ը հայտարարվել է ազգային սգո օր՝ կապված գրող Նիկոլայ Դաբիժայի մահվան եւ հուղարկավորության հետ: Այս մասին հայտնում է պետության ղեկավարի մամուլի ծառայությունը:

Ազգային սուգ է հայտարարվել «ի նշան խորը տխրության, որն առաջացրել է հայտնի գրողի, Ազգային վերածննդի շարժման առաջատար աջակցի, Մոլդովայի Հանրապետության անկախության հռչակագիրը ստորագրած ակադեմիկոսի եւ գրականագետի մահվան բոթը»:

Հրամանագրի համաձայն՝ ամբողջ հանրապետությունում իջեցվել են պետական դրոշները, իսկ ժամը 12:00-ին մեկ րոպե լռությամբ երկրի բնակիչները հարգել են Նիկոլայ Դաբիժիի հիշատակը:

Միեւնույն ժամանակ, պետական գերատեսչություններին, ձեռնարկություններին եւ կազմակերպություններին խորհուրդ է տրվում չանցկացնել զանգվածային ժամանցային միջոցառումներ, իսկ լրատվամիջոցներին կոչ է արվում «հաշվի առնել օրվա առանձնահատկությունները լուրեր հրապարակելիս եւ ծրագրեր պատրաստելիս»:

Գրողի մոտ կորոնավիրուսի ագրեսիվ ձեւ էր ախտորոշվել: Նա մահացել է մարտի 12-ին կորոնավիրուսի հետեւանքով առաջացած բարդություններից: