նախընտրելի դարձնելՍտամբուլի ծանր հանցագործությունների գծով 13-րդ դատարանը մերժել է ազատ արձակել ընդդիմադիր «Ժողովրդա-հանրապետական» կուսակցությունից առաջադրված եւ պատգամավոր դարձած Մեհմեդ Հաբերալին եւ Մուսթաֆա Բալբային։
Թուրքական Hurriyet-ի փոխանցմամբ՝ ազատ արձակման մերժման որոշումը կայացվել է դատարանի անդամների մեծամասնության կողմից, իսկ դատարանի նախագահ Քյոքսալ Շենգյունը կողմ է եղել Մեհմեդ Հաբերալի եւ Մուսթաֆա Բալբայի ազատ արձակմանը։
Այս որոշումը լսելուց հետո «Ժողովրդա-հանրապետական»-ը արտահերթ ժողով է հրավիրել՝ քննարկելու ստեղծված իրավիճակը, քանի որ 2 պատգամավոր է կորցնում։
Նշենք, որ «Էրգենեկոն»-ի գործով մեդադրյալ, լրագրող Մուսթաֆա Բալբայը «Ժողովրդա-հանրապետական» կուսակցության ցուցակով ընտրվել է Իզմիրից։
«Էրգենեկոն»-ի գործով մեղադրյալ, նախկին ռեկտոր, պրոֆ. Մեհմեդ Հաբերալը «Ժողովրդա-հանրապետական» կուսակցության ցուցակով ընտրվել է Զոնգուլդակից։
Այսպիսով՝ ընդդիմադիր «Ժողովրդա-հանրապետական» կուսակցությունը խորհրդարանում կունենա 133 պատգամավոր։
