նախընտրելի դարձնել
«Լուսավոր Հայաստանը» հանրահավաքներ չի անցկացնում, քանի որ մեր ընտրողները զբաղված են առօրյայով եւ չեն կարող գալ հանրահավաքների: Այս մասին հայտարարեց «Լուսավոր Հայաստանի» պատգամավոր Անի Սամսոնյանը:
Նա հավելեց, որ փողոցներ եւ բակեր այցելելու ձեւաչափը թույլ է տալիս ավելի լավ շփվել մարդկանց հետ:
«Այն ուժերը, որոնք հանրահավաքներ են հրավիրում, անում են դա նրա համար, որպեսզի իրենց համար հարմարավետության գոտի ստեղծեն: Իսկ մենք չենք վախենում հանդիպել մարդկանց հետ դեմ առ դեմ»,-նշեց Սամսոնյանը:
Իր հերթին, կուսակցության պատգամավոր Գեւորգ Գորգիսյանը նշեց, որ 2012 թվականից իրենց քաղաքական ուժը նման կերպ է քարոզարշավ անցկացնում: Նա կրկնեց կուսակցության այն թեզը, որ առանց հասարակության սոլիդարության անվտանգության մասին խոսք լինել չի կարող:
