Սաուդյան Արաբիայից գործարար Մախֆուզ Մարեյ Մուբարակ բեն Մախֆուզը ստացել է Բրիտանական կայսրության շքանշան՝ փոխարենը նվիրաբերելով 1,5 միլիոն ֆունտ ստերլինգ (շուրջ 2,1 միլիոն դոլար): Դրանում նրան օգնել է թագաժառանգ Չարլզի օգնական Մայքլ Ֆոսեթը, հաղորդում է  Sunday Times թերթը:

Ֆոսեթը զբաղեցրել է արքայազնի բարեգործական հիմնադրամի գործադիր տնօրենի պաշտոնը, սակայն ժամանակավոր լքել է այդ պաշտոնը սկսվող սկանդալի պատճառով, իսկ հիմնադրամը, չափազանց լուրջ ընդունելով հնչած մեղադրանքը, սկսել է ներքին հետաքննություն:

Թերթը գրում է, որ բեն Մախֆուզը փորձել է Բրիտանիայի քաղաքացիություն ստանալ 2011 թվականից, ինչպես նաեւ ձեռք բերել պատվավոր տիտղոս: Էլեկտրոնային նամակներից հետեւում է, որ Ֆոսեթը խոստացել է, որ գործարարը կկարողանա դառնալ Բրիտանական կայսրության շքանշանի սպա շռայլ նվիրատվության փոխարեն: Ձեռնարկատերն անցկացրել է ավելի քան 1,5 միլիոն ֆունտ երկու պատմական շենքերը վերանորոգելու համար, որոնք արքայազն Չարլզն օգտագործում է որպես նստավայր, ինչպես նաեւ ֆինանսավորել է թագաժառանգի երկու ուրիշ նախագիծ: Հատկանշական է, որ շքանշանի տրամադրման հարցում արքայազնին օգնել են Մեծ Բրիտանիայի ԱԳՆ-ն եւ Էր Ռիադում թագավորության դեսպանատունը:

2016 թվականին բեն Մախֆուզը դարձել է Բրիտանական կայսրության շքանշանի պատվավոր հրամանատար: Այդ պարգեւը դեռեւս չի շնորհում տիտղոս ստանալու իրավունք: Նա ստացել է պարգեւը արքայազն Չարլզի կողմից մասնավոր արարողության ժամանակ:

Սաուդցի գործարարի ներկայացուցիչները հերքում են տիտղոսը գնելու մասին բանակցությունների փաստը՝ հայտարարելով, որ նա հայտնի ֆիլանտրոպ է եւ նվիրաբերում է գումար տարբեր կազմակերպություններին: