Երեւանում, այսօր՝ նոյեմբերի 3-ին,  խոշոր ավտովթար է տեղի ունեցել. Ժամը 13:00-ի սահմաններում  Հյուսիս-Հարավ նոր կառուցվող ճանապարհի Սիլիկյան թաղամասի վարչական  տարածքում բախվել են Երևանի բնակիչներ Գոռ Ալավերդյանի վարած Mini Cooper-ն ու  54-ամյա Արթուր Ասրյանի  վարած  Isuzu-ն:

Shamshyan.com-ի հաղոդրմամբ, բախման հետևանքով Isuzu-ն  դուրս է եկել երթևեկելի գոտուց, տապալել էլեկտրասյունը և կողաշրջված վիճակում հայտնվել դաշտում:

Վթարի հետևանքով 2 հոգի մարմնական վնասվածքներով տեղափոխվել են «Աստղիկ» բժշկական կենտրոն: Վիրավորներին առաջինը օգնության են հասել քաղաքացիները և օպերատիվ է գործել  Երևանի 1-03 շտապօգնության բժիշկների հերթապահ խումբը:

Դեպքի վայրում հավաքված մի քանի քաղաքացիներ ասում էին, որ ավտոմեքենան պատկանում է «Գրանդ Տոբակո»  ընկերությանը: