նախընտրելի դարձնել
Facebook կորպորացիայի նախկին աշխատակցուհի Ֆրենսիս Հաուգենը մտահոգություն է հայտնել իր անվտանգության համար։ Այս մասին նա ասել է DPA-ին։
Ավելի վաղ նա բացահայտել էր նյութեր՝ կապված ընկերության գործունեության հետ։
«Ավելի շատ ես վախենում եմ ոչ թե Facebook-ից, այլ մարդկանցից, ում այսօր ձեռնտու է այն, թե ինչպես է աշխատում այդ համակարգը»,-նշել է Հաուգենը։
Նա մտահոգություն է հայտնել այն կապակցությամբ, որ այդ մարդիկ կարող են իր մասին լուրեր տարածել։ «Կարծում եմ՝ կա հավանականություն, որ ինչ-որ մեկը կարող է հավատալ իմ մասին դավադրության տեսությանն ու ինձ վնաս հասցնել»,-նշել է սոցցանցի նախկին աշխատակցուհին։
Թվիթթերում արդեն նրա մասին բացասական մեկնաբանություններ են հայտնվել։ Հաուգենը մտահոգված է իր ընտանիքի համար, փոխանցում է ՏԱՍՍ-ը։
Բացի այդ, Հաուգենին մտահոգում են կորպորացիայի հիմնադիր Մարկ Ցուկերբերգի ծրագրերը՝ կապված «մետատիեզերքի» հայեցակարգի հետ։
«Անձամբ ինձ վախեցնում է այն միտքը, որ ես էլ ավելի շատ բարձրախոսներ եւ հաղորդիչներ կբերեմ Ֆեյսբուքից իմ տուն եւ գրասենյակ եւ թույլ կտամ լրտեսել ինձ, քանի դեռ մենք չգիտենք ինչպես են նրանք օգտագործում տվյալները»,-եզրափակել է Հաուգենը։
