նախընտրելի դարձնել
Փետրվարի 28-ին Քիշնեւի կենտրոնում բողոքի ակցիա են կազմակերպել փախուստի դիմած օլիգարխ Իլան Շորի կողմնակիցնեը։ Ցուցարարները մտադիր են անցնել կենտրոնական հրապարակ, սակայն ոստիկանությունը պատնեշ է տեղադրել։ Ծեծկռտուք է տեղի ունեցել, ակցիայի մասնակիցներից ոմանք ձերբակալվել են, գրում է Nokta.md-ը։
Ռուսամետ «Շոր» կուսակցությունը եւ նրա կողմից կազմակերպված «Շարժում ժողովրդի համար» բողոքի ակցիա են կազմակերպել Քիշնեւի կենտրոնում։ Ցուցարարները պահանջում են ամբողջությամբ վճարել կոմունալ վճարները։
Հնչում են կառավարության եւ նախագահի հրաժարականի կոչեր եւ այլ կարգախոսներ՝ «Լավագույն թոշակները», «Եկեք լավ ապրենք Ռուսաստանի հետ», «Կորչի Մայա Սանդուն», «Վարչապետը պետք է լինի Իլան Շորը», «Ես ուզում եմ մոլդովացի լինել, ոչ թե ռումինացի», հաղորդում է ZdG-ը:
Միեւնույն ժամանակ, ոստիկանությունը պաշտոնապես արգելել է զանգվածային ցույցերը մայրաքաղաքի կենտրոնում փետրվարի 28-ից մարտի 2-ը Հունաստանի նախագահ Կատերինա Սակելարոպուլուի այցի պատճառով:
Կեսօրին ժամը 2-ի սահմաններում ցուցարարները շրջափակել են Շտեֆան չել Մարե բուլվարը։
Վարորդներին հորդորել են խուսափել մայրաքաղաքի կենտրոնից, հասարակական տրանսպորտը վերաուղղորդվել է։ Հաղորդվում է ոստիկանական շղթան ճեղքելու փորձերի մասին։
