Նախընտրելի
Ռուսաստանի բանկը հինգերորդ անգամ անընդմեջ պահպանել է հիմնական տոկոսադրույքը տարեկան 7,5 տոկոսի մակարդակում եւ նշել է, որ առաջիկա հանդիպումներում կգնահատի դրա բարձրացման նպատակահարմարությունը՝ ինֆլյացիոն աճը 4 տոկոս նպատակային մակարդակում կայունացնելու համար: Այս մասին ասվում է կարգավորիչի մամուլի հաղորդագրության մեջ։
«Ռուսաստանի Բանկի տնօրենների խորհուրդը 2023 թվականի ապրիլի 28-ին որոշում է կայացրել պահպանել հիմնական տոկոսադրույքը տարեկան 7,50 տոկոսի մակարդակում։ Գների աճի ներկայիս տեմպերն աճել են 2022 թվականի վերջից, սակայն մնում են չափավոր, այդ թվում ՝ կայուն բաղադրիչների մասով։ Բնակչության ինֆլյացիոն սպասումները նվազել են։ Տնտեսական ակտիվությունն աճում է ավելի արագ, քան կանխատեսվում էր Ռուսաստանի Բանկի փետրվարյան կանխատեսումներում»,-նշել է ՌԴ ԿԲ-ն՝ ընթացիկ ինֆլյացիոն ճնշման աստիճանական աճի պայմաններում առաջիկա հանդիպումներում կգնահատի առանցքային տոկոսադրույքի բարձրացման նպատակահարմարությունը՝ 2024 թվականին եւ դրանից հետո ինֆլյացիան մոտ 4 տոկոսով կայունացնելու համար։
Կարգավորիչը նաեւ փոխել է 2023 թվականի միջին առանցքային տոկոսադրույքի կանխատեսումը, այն կանխատեսվում է տարեկան 7,3-8,2 տոկոսի մակարդակում։ ԿԲ-ն նշել է, որ 2023 թվականի հունվարի 1-ից մայիսի 1-ը միջին առանցքային տոկոսադրույքը կազմում է 7,5 տոկոս, մայիսի 2-ից մինչեւ 2023 թվականի ավարտը այն կանխատեսվում է 7,1-8,6 տոկոս միջակայքում։ 2024 եւ 2025 թվականների կանխատեսումը մնացել է անփոփոխ՝ համապատասխանաբար 6,5-7,5 տոկոս եւ 5-6 տոկոս մակարդակում։
