Առնվազն երեք մարդ է զոհվել, ևս հինգը  վիրավորվել են, տեղեկացրել է Միսուրի նահանգի ոստիկանությունը կիրակի վաղ առավոտյան Կանզաս-Սիթիում հրաձգության երկու դեպքի հետաքննությունից հետո, տեղեկացնում է The Associated Press-ը։

Ոստիկանները կանչվել են տեղական ժամանակով առավոտյան 04։30-ին և հայտնաբերել են հրաձգության երեք զոհի՝ երկու տղամարդու և մեկ կնոջ դիակները։

Ոստիկանությունից հայտնել են, որ ևս հինգ մարդ վիրավորվել է և տեղափոխվել հիվանդանոց։ 

Ձերբակալությունների մասին հաղորդումներ չեն ստացվել։