ԵՄ արտաքին քաղաքական ծառայության պաշտոնական ներկայացուցիչ Նաբիլա Մասրալին այսօր՝ օգոստոսի 1-ին, ճեպազրույցում հայտարարել է Նիգերում ռազմական գործողություն  իրականացնելու միության պատրաստակամության մասին՝ Արևմտյան Աֆրիկայի երկրների տնտեսական միության  (ECOWAS) նմանատիպ խնդրանքի դեպքում: 

 Ըստ նրա, ԵՄ-ն դեռևս նման դիմումներ չի ստացել, բայց պատրաստ է քննարկել դրանք  ստացվելու դեպքում:

Միաժամանակ, Նիգերում տեղի ունեցած հեղաշրջումը Մասրալին անվանել է «ժողովրդավարության սպառնալիք»:

Նա նշել է, որ ԵՄ-ն լիովին աջակցում է ECOWAS-ի դիրքորոշմանը, որը հեղաշրջումը համարում է «ժողովրդավարական սկզբունքների խախտում, որոնց վրա հիմնված է քաղաքական իշխանությունը տարածաշրջանում»։