Հորդանանի արտաքին գործերի նախարարությունը դատապարտում է հրեա վերաբնակիչների ներխուժումը Երուսաղեմի Ալ-Աքսա մզկիթի տարածք՝ Իսրայելի ոստիկանության պաշտպանության ներքո։ Այս մասին ասվում է Petra գործակալության հաղորդած, թագավորության արտաքին գործերի նախարարության պաշտոնական ներկայացուցիչ Սինան ալ-Մաջալիի հայտարարության մեջ։

«Ծայրահեղականների սադրիչ գործողությունները սրբավայրերի անձեռնմխելիության բացահայտ խախտում են»,- ասվում է փաստաթղթում։ «Հաշիմյան թագավորությունը, որը հովանավորում է Հին քաղաքում տեղակայված իսլամական և քրիստոնեական սրբավայրերը, պահանջում է հարգել Ալ-Աքսա մզկիթի պատմաիրավական կարգավիճակը»:

Հորդանանի արտգործնախարարության ներկայացուցիչը հայտարարության մեջ ընդգծվում է,  որ «Իսրայեը, որպես զավթող տերություն, պէտք է անհապաղ դադարեցնի Երուսաղեմի մզկիթի դեմ  բոլոր խախտումները»։

Ինչպես նշել է ալ-Մաջալին, Ալ-Աքսայի տարածք մուտքի կարգավորման բացառիկ իրավասությունը պատկանում է  Արևելյան Երուսաղեմի իսլամական հիմնադրամների վարչությանը, որը մտնում է վակուֆների, իսլամի և սրբավայրերի հարցով հորդանանյան նախարարության կազմի մեջ։