նախընտրելի դարձնել
Հայաստանում հայրենադարձության հայեցակարգ, որպես այդպիսին, չկա, քանի որ դա կեղծ հասկացություն է։ Այս մասին Ազգային ժողովում նոյեմբերի 2-ին 2024 թվականի պետական բյուջեի նախագծի քննարկման ժամանակ խորհրդարանական հանձնաժողովների համատեղ նիստում հայտարարեց Սփյուռքի գործերի գլխավոր հանձնակատար Զարեհ Սինանյանը։
Նրա խոսքով, վերջին 10 տարիների ընթացքում այս հայեցակարգից ոչինչ չի իրականացվել։
«Հայեցակարգեր ստեղծելն ու դրանք թղթի վրա թողնելն արդյունավետ մոտեցում չէ»,- ասաց Սինանյանը։
Նա համոզված է, որ երկրում պետք է որոշակի պայմաններ ստեղծվեն, որպեսզի հայրենադարձություն տեղի ունենա։
«Այսինքն՝ երկրում հայրենադարձություն իրականացնելու համար պետք է ստեղծվեն բոլոր անհրաժեշտ ենթակառուցվածքները։ Եվ մենք առաջարկում ենք մեր ուշադրությունը կենտրոնացնել սրա վրա»,- ասաց Սփյուռքի գործերի գլխավոր հանձնակատարը։
Որպես օրինակ Սինանյանը նշեց Ինտեգրման կենտրոնի ձեւավորումը:
