նախընտրելի դարձնել
Սերբիայի ընտրական գործընթացը զգալի բարելավման կարիք ունի այն բանից հետո, երբ անկախ դիտորդները կիրակի օրը կայացած արտահերթ խորհրդարանական ընտրությունների ժամանակ անհանգստացնող խախտումներ են հայտնաբերել, այդ թվում՝ ձայների գնում, երեքշաբթի հայտարարել է Եվրամիությունը, հաղորդում է Reuters-ը։
«Մենք մտահոգությամբ եզրակացնում ենք, որ ընտրական գործընթացը շոշափելի բարելավումներ և հետագա բարեփոխումներ է պահանջում, քանի որ Սերբիայի ժողովրդավարական ինստիտուտների պատշաճ գործունեությունը գտնվում է Սերբիայի ԵՄ անդամակցության գործընթացի հիմքում», - ասվում է ԵՄ դիվանագիտության ղեկավար Խոսեպ Բորելի և ԵՄ հանձնակատար Օլիվեր Վարհելիի համատեղ հայտարարության մեջ:
