նախընտրելի դարձնել
Մեխիկոն, որը շուրջ 22 միլիոն բնակչությամբ մեգապոլիս է և աշխարհի ամենամեծ քաղաքներից մեկը, բախվում է ջրային լուրջ ճգնաժամի, քանի որ խնդիրների ամբողջական մի համախումբ, ներառյալ աշխարհագրությունը, քաոսային քաղաքաշինությունը և հնամաշ ենթակառուցվածքները, խորանում է կլիմայի փոփոխության հետևանքով, հաղորդում է CNN-ը:
Անոմալ ցածր քանակությամբ տեղումների տարիները, ավելի երկարատև չոր ժամանակափուլերը և բարձր ջերմաստիճանը մեծացրել են ջրամատակարարման համակարգի ծանրաբեռնվածությունը, որն առանց այդ էլ դժվարությամբ է հաղթահարում աճող պահանջարկը։ Իշխանությունները ստիպված են զգալի սահմանափակումներ մտցնել ջրամբարներից մղվող ջրի նկատմամբ։
Խիտ բնակեցված Մեխիկո քաղաքը տարածված է բարձրլեռնային լճի հատակին, ծովի մակարդակից մոտավորապես 7300 ոտնաչափ բարձրության վրա: Այն կառուցվել է կավով հարուստ հողի վրա, որի մեջ այժմ սուզվում է, և հակված է երկրաշարժերի և խիստ խոցելի է կլիմայի փոփոխության նկատմամբ:
Ացտեկներն ընտրեցին այս վայրը՝ 1325 թվականին իրենց Տենոչտիտլան քաղաքը կառուցելու համար, երբ այն լճերի շարք էր ներկայացնում։ Նրանք կառուցել են կղզու վրա, ընդլայնելով քաղաքը լայնությամբ, կառուցելով ջրանցքների և կամուրջների ցանցեր՝ ջրի հետ աշխատելու համար:
Բայց երբ 16-րդ դարի սկզբին ժամանեցին իսպանացիները, նրանք ավերեցին քաղաքի մեծ մասը, ցամաքեցրին լճի հատակը, լցրեցին ջրանցքները և կտրեցին անտառները։
Մեխիկոյի ջրի մոտ 60%-ը գալիս է ստորգետնյա ջրատար մակերևույթից, սակայն դրա արդյունահանումը այնքան մեծ է եղել, որ քաղաքը խորտակվում է տագնապալի արագությամբ՝ տարեկան մոտ 20 մատնաչափ, համաձայն վերջին ուսումնասիրությունների: Իսկ ջրատար մակերևույթը բավականաչափ արագ չի համալրվում: Անձրևաջրերը հողում ներծծվելու փոխարեն գլորվում են քաղաքի կոշտ, անթափանց մակերեսներից:
Քաղաքի մնացած ջուրը մղվում է հսկայական հեռավորությամբ լանջն ի վեր քաղաքից դուրս գտնվող աղբյուրներից, ինչը աներևակայելի անարդյունավետ գործընթաց է, քանի որ այդ ընթացքում ջրի մոտ 40%-ը կորչում է արտահոսքի պատճառով:
Ճգնաժամը բուռն բանավեճեր է առաջացրել այն մասին, թե արդյոք քաղաքը կհասնի «զրոյական օրվան», երբ ջրի մակարդակն այնքան կցածրանա, որ անհնար կլինի ապահովել քաղաքի բնակիչներին:
Փետրվարի սկզբին տեղական լրատվամիջոցները հայտնեցին, որ Կոնագուայի մասնաճյուղի մի պաշտոնյա ասել է, որ առանց զգալի տեղումների «զրոյական օրը» կարող է վրա հասնել արդեն հունիսի 26-ին, սակայն այդ ժամանակից ի վեր երկրի իշխանությունները փորձում են հակառակը համոզել բնակչությանը:
