նախընտրելի դարձնել
Ամերիկայի նախկին առաջնորդ Դոնալդ Թրամփի առաջադրումը որպես նախագահի հանրապետական թեկնածու ԱՄՆ-ի համար հավասարազոր կլինի ինքնասպանության։ Այս կարծիքը The Wall Street Journal-ին տված հարցազրույցում հայտնել է Թրամփի մրցակից, ՄԱԿ-ում ԱՄՆ նախկին մշտական ներկայացուցիչ Նիկի Հեյլին։
«Սա, հնարավոր է, Թրամփի համար միջոց է փրկվելու, իր դատական գումարները վճարելու և իրավական ռիսկերից ազատվելու համար, բայց մեր երկրի համար դա հավասարազոր է ինքնասպանության», - ասել է նա՝ հիշեցնելով, որ Թրամփին 91 քրեական մեղադրանք է առաջադրվել։
Հեյլին նշել է, որ Հանրապետական կուսակցությանը պետք է թեկնածու, որը կարող է հաղթել նոյեմբերին կայանալիք ընտրություններում։
Թրամփը նախընտրական արշավին մասնակցելու մասին հայտարարել էր 2022 թվականի նոյեմբերին։ Նա համարվում է հանրապետականների կողմից նախագահի թեկնածու առաջադրվելու համար պայքարի ֆավորիտը, որի գլխավոր մրցակիցը Հեյլին է։
