նախընտրելի դարձնել
Միջուկային էներգետիկայի ոլորտում միջազգային համագործակցությունը պետք է շարունակվի նույնիսկ տարբեր երկրների աշխարհաքաղաքական հակամարտությունների և գաղափարական տարաձայնությունների պայմաններում։ Այս մասին հայտարարել է Հունգարիայի վարչապետ Վիկտոր Օրբանը՝ ելույթ ունենալով Բրյուսելում ԱԷՄԳ-ի և Բելգիայի կողմից անցկացված միջուկային էներգետիկայի գագաթնաժողովում։
«Չնայած աշխարհաքաղաքական դժվարություններին, միջուկային ոլորտում միջազգային մասնագիտական և գիտական համագործակցությունը դեռ գոյություն ունի։ Մինչ Ռուսաստանը անցյալ տարի դարձավ Միացյալ Նահանգների [ատոմակայանների համար ուրան] հիմնական մատակարարը, մի շարք ամերիկացի, գերմանացի, ֆրանսիացի, շվեդ, շվեյցարացի և նույնիսկ ավստրիական ենթակապալառուներ ռուս շինարարների հետ միասին աշխատում են մեր ատոմակայանի ընդլայնման նախագծի վրա»,- ասել է կառավարության ղեկավարը՝ անդրադառնալով Հունգարիայում «Ռոսատոմ» նախագծով Պակս-2 ատոմակայանի կառուցմանը։
«Մեր ընդհանուր շահերից է բխում կանխել միջուկային էներգիան աշխարհաքաղաքական հակամարտությունների, կեղծավորության և գաղափարական վեճերի պատանդ դառնալը»,- ընդգծել է Օրբանը։ Նա շնորհակալություն է հայտնել ատոմային էներգետիկայի գագաթնաժողովին մասնակցող մյուս երկրներին՝ Պակսի ատոմակայանի երկրորդ փուլի կառուցմանը չմիջամտելու և այնտեղ գործող ատոմակայանի համար ռուսական միջուկային վառելիքի անվտանգ մատակարարման հարցում աջակցություն ցուցաբերելու համար։
