նախընտրելի դարձնել
Իսրայելի «Շին Բեթ» անվտանգության ծառայությունը զգուշացրել է ԱՄՆ-ում բնակվող իսրայելցուն չհրապարակել Յաիր Նաթանյահուի գտնվելու վայրի մասին մանրամասներ՝ երկրի վարչապետի որդուն հնարավոր վնասից պաշտպանելու պատճառով, գրում է Haaretz-ը։
Օֆիր Գուտելզոնը, որը դատական համակարգի վերանայման դեմ բողոքի ցույցի առաջնորդներից է և ապրում է արտերկրում, նախազգուշացումն անվանել է «վախեցնելու և խոսքի ազատության և բողոքի իրավունքի նկատմամբ ոտնձգության մտահոգիչ փորձ, որը պետք է տագնապի զանգ լինի մեզ բոլորիս համար»։
Ավելի վաղ ԶԼՄ-ները հայտնել էին, որ Իսրայելի վարչապետ Բենիամին Նաթանյահուի որդուն քննադատել են Մայամիում մնալու համար, մինչդեռ պահեստայինները տուն են վերադարձել ՀԱՄԱՍ-ի դեմ պայքարելու համար։
32-ամյա Յաիր Նաթանյահուն առնվազն ապրիլից գտնվում է Ֆլորիդայում այն բանից հետո, երբ հայրը նրան խորհուրդ էր տվել դադարեցնել սադրիչ գրառումները սոցիալական ցանցերում, ինչի պատճառով նրան մի քանի անգամ դատի էին տվել զրպարտության համար:
