նախընտրելի դարձնել
Հնագիտական եւ գենետիկական տվյալները լույս են սփռում Աֆրիկայից Homo sapiens-ի վաղ միգրացիաների վրա։ Գիտնականների միջազգային թիմը հայտարարել է նոր հայտնագործության մասին, որը պարզում է առաջին բնակիչների կեցության աշխարհագրական տեղը 70-45 հազար տարի առաջ, տեղեկացրել է Planet Today-ը։
Nature Communications պորտալի համաձայն՝ հետազոտողները փորձել են լուծել հանելուկը, թե ինչպես եւ ուր են շարժվել Homo sapiens-ի վաղ ներկայացուցիչները Աֆրիկայից դուրս գալուց հետո։ Վերջին բացահայտումները վերջապես պարզություն են մտցնում այս հարցում։
Օգտագործելով գենետիկ ուսումնասիրությունների, մնացորդների եւ պալեոբնապահպանական մոդելների ամբողջությունը՝ գիտնականները զարմանալի եզրակացության են հանգել. Պարսկական լեռնաշխարհը Homo sapiens-ի առաջին տունն է դարձել Աֆրիկայի սահմաններից դուրս։
«Մենք երկար ժամանակ գիտեինք, որ Homo sapiens-ը փորձել է հեռանալ Աֆրիկայից, բայց ուր եւ ինչպես են նրանք նստակեցություն ձեռք բերել նոր մայրցամաքում, հանելուկ էր մնում»,- ասել է հնագիտության պրոֆեսոր Ջոն Սմիթը։
Պարսկական լեռնաշխարհը նպաստավոր կլիմա եւ ռեսուրսներ ուներ, ինչն էլ վաղ մարդկանց բնակության համար կատարյալ տեղ է հանդիսացել։ Գենետիկ տվյալները հաստատում են, որ պոպուլյացիան այս տարածքում Աֆրիկայից դուրս եկածների հետ ընդհանուր նախնիներ ունի։
«Պարսկական լեռնաշխարհը ոչ միայն առաջին հաջող միգրացիայի տեղ է ծառայել, այլեւ, հավանաբար, կարեւոր դեր է խաղացել մեր տեսակի էվոլյուցիայի հարցում»,- ավելացրել է գենետիկ Ջեյն Դոուն։
Այս հայտմագործությունը նոր դարաշրջան է բացում Homo sapiens-ի վաղ միգրացիաների ուսումնասիրման մեջ եւ կասկածի տակ է դնում նախկին վարկածները նրանց երթուղիների եւ տեղափոխման պատճառների մասին։ Հետագա հետազոտությունները պետք է ընդլայնեն մեր իմացությունը մարդկային պատմության այս կարեւոր փուլի մասին։
