նախընտրելի դարձնել
Կյանքի թանկացումը եվրոպացիների ավելի քան 90%-ի համար ամենահրատապ խնդիրն է:
Եվրամիությունում 2022 թվականին տնային տնտեսությունների ծախսերի ամենամեծ մասնաբաժինը եղել է բնակարանի, ջրի, էլեկտրաէներգիայի, գազի և այլ վառելիքի համար՝ 24,1%։
Ըստ Euronews-ի՝ դրան հաջորդում են սննդամթերքը և ոչ ալկոհոլային խմիչքները՝ 13,6% և տրանսպորտային ծախսերը՝ 12,5%։
2002-2022 թվականների մասնաբաժինները համեմատելիս ամենաէական փոփոխությունները կատարվել են բնակարանային ծախսերում, որոնք 21,1-ից հասել են 24,1 տոկոսի:
Երկու տասնամյակի ընթացքում աճը կազմել է 3 տոկոսային կետ։
Սա նշանակում է, որ եթե 2002 թվականին տնային տնտեսությունների ընդհանուր ծախսերը կազմում էին 1000 եվրո, վարձավճարների և հաշիվների վրա ծախսվել է 211 եվրո։ 2022 թվականին այս գումարը հասել է 241 եվրոյի։
Տոկոսային փոփոխության առումով առողջապահության ոլորտին հատկացվող ծախսերի տեսակարար կշիռն աճել է 22%-ով, իսկ բնակարանային ծախսերի մասնաբաժինը աճել է 14%-ով։
Սակայն, քանի որ կացարանի ապահովման ծախսերի ծավալը շատ ավելի մեծ է, բնակարանների և կոմունալ ծառայությունների ծախսերի աճի ընդհանուր ազդեցությունը շատ ավելի սուր է զգացվում:
2000-ականների սկզբի 20%-ից փոքր-ինչ ավելին, բնակարանային և կոմունալ ծառայությունների վրա տնային տնտեսությունների ծախսերի մասնաբաժինը անշեղորեն աճել է՝ 2013-ին հասնելով մոտ 25%-ի:
