նախընտրելի դարձնել
2024 թվականի առաջին կիսամյակում դեպի Հայաստան զբոսաշրջային հոսքերը նվազել են 6,1 տոկոսով։ Այս մասին Ազգային ժողովում Ֆինանսավարկային և բյուջետային հարցերի մշտական խորհրդարանական հանձնաժողովի նիստում 2024 թվականի առաջին կիսամյակի պետական բյուջեի կատարման հաշվետվության քննարկման ժամանակ ասաց ՀՀ ֆինանսների նախարար Վահե Հովհաննիսյանը։
Զբոսաշրջիկների թվի կրճատումը, ըստ նրա, հիմնականում պայմանավորված է Ռուսաստանից ժամանած զբոսաշրջիկների թվի 23,6%-ով կրճատմամբ։ «Դրա դիմաց մենք ունենք զբոսաշրջիկների թվի աճ Հնդկաստանից, Վրաստանից և Իրանից։ Թեև մենք հիմա զիջում ենք 2023 թվականի ցուցանիշներին, սակայն դրանք զգալիորեն բարձր են 2019 թվականի համեմատ»,- ասաց Հովհաննիսյանը։
