Մեքենաշինարարների և օդատիեզերական ոլորտի աշխատողների միջազգային ասոցիացիայի արհմիության կազմի մեջ մտնող Boeing-ի աշխատողները քվեարկել են գործադուլի օգտին՝ մերժելով ընկերության առաջարկած պայմանագիրը, հայտնում է Associated Press-ը։ Քվարկողների ավելի քան 94%-ը մերժել է առաջարկը, քանի որ, ինչպես գրում է NPR-ը, աշխատողները 40%-ով ավելացում էին պահանջում, հայտնում է «Ամերիկայի ձայնը»։ Գործադուլը, որը սկսվել է 2024 թվականի սեպտեմբերի 13-ին, անդրադարձել է մոտ 33,000 աշխատողի վրա, հիմնականում Վաշինգտոն նահանգի գործարաններում, և կարող է լրջորեն ազդել ինքնաթիռների արտադրության վրա: Այնուամենայնիվ, ըստ AP-ի, գործադուլը, հավանաբար, չի դադարեցնի Boeing 787 Dreamliner-ի արտադրությունը, քանի որ այդ ինքնաթիռները հավաքում են Հարավային Կարոլինայի աշխատողները, որոնք արհմիության մեջ չեն մտնում: Boeing-ը հայտարարել է, որ պատրաստ է վերադառնալ բանակցությունների սեղանին՝ նոր համաձայնության հասնելու համար։