Լեհաստանի կառավարությունը 18 տարեկանից ցածր անձանց ալկոհոլի, ինչպես նաև գիշերը գազալցակայաններում ալկոհոլի վաճառքի արգելքը խստացնող կանոններ է սահմանում, ըստ Associated Press  գործակալության՝ հինգշաբթի հայտարարել է առողջապահության նախարարը։

Այս կանոններն ընդունվել են ի պատասխան ճանապարհատրանսպորտային պատահարների և ալկոհոլի ազդեցության տակ գտնվող անձանց մասնակցությամբ աճող դեպքերի:

Մինչև 18 տարեկան անձանց ալկոհոլ վաճառելը Լեհաստանում անօրինական է համարվում և կարող է հանգեցնել խիստ տուգանքների կամ մեկ ամսով ազատազրկման:

Ներկայում վաճառողներն իրավունք ունեն, բայց պարտավոր չեն ստուգել գնորդների փաստաթղթերը՝ նրանց տարիքը որոշելու համար։ Նոր կանոնները նրանց կպարտավորեցնեն դա անել։