նախընտրելի դարձնելՎանաձորի պետական մանկավարժական ինստիտուտի քիմիա-կենսաբանություն ֆակուլտետի ուսանողները, դեկտեմբերի 7-ին, ակցիա են կազմակերպել` արյուն հանձնելով Լոռիի մարզային արյան փոխներարկման կայանում:
Ուսանողների ակցիան շուրջ 5 տարվա պատմություն ունի:
Ակցիայի մասնակիցներն ու կայանի աշխատակիցները նշում են, որ դեռեւս Խորհրդային միության տարիներից միշտ եղել է կամավոր բարեգործական հիմունքներով արյուն հանձնելու կարգը:
Ուսանողների այս ակցիան ուղղված էր հիմնականում այն անապահով ընտանիքների երեխաների առողջության բարելավմանը, ովքեր չունեն ֆինանսական միջոցներ ու հնարավորություն` ընտանիքի երեխային նոր արյամբ ապահովելու համար:
450 մլ արյուն են հանձնել քիմիա-կենսաբանական ֆակուլտետի թվով 10 ուսանողներ:
Արյան փոխներարկման կայանի բժիշկ-մասնագետները փաստում են, որ սա ոչ միայն բարեգործություն է, այլեւ մեծ օգուտ օրգանիզմին, քանի որ բարելավվում է արյան շրջանառությունն ու թարմ արյուն մատակարարվում օրգանիզմին: Իսկ Լոռիի գլխավոր անաստեզոլոգ Գրիգոր Սարգսյանը խոսեց այն մասին, որ ինստիտուտի ռեկտոր Գուրգեն Խաչատրյանի հետ համաձայնության արդյունքում, հաջորդ տարվանից արդեն, այս գործընթացը պարբերական բնույթ կկրի:
