նախընտրելի դարձնել
Մոլդովայում նախագահական ընտրությունների երկրորդ փուլում հաղթել է Մայա Սանդուն՝ երկրի Կենտրոնական ընտրական հանձնաժողովի տվյալների համաձայն։
Արձանագրությունների 98,9%-ը մշակելուց հետո Սանդուն հավաքում է ձայների 55%-ը։ Նրա մրցակից Ալեքսանդր Ստոյանոգլոն ունի 45%: Սա կլինի Սանդուի երկրորդ նախագահական ժամկետը։
«Մոլդովա, այսօր դու հաղթեցիր։ Միասին մենք ցույց տվեցինք մեր միասնության, ժողովրդավարության և արժանապատիվ ապագայի հանդեպ նվիրվածության ուժը», - գրել է Սանդուն X-ում՝ շնորհակալություն հայտնելով համաքաղաքացիներին «տանը և դրսում»:
Սանդուն հաղթել է արտասահմանյան ընտրատեղամասերի հաշվին. սփյուռքը զանգվածաբար քվեարկել է նրա օգտին։ Երկրի ներսում հաղթել է Ստոյանոգլոն՝ 51,2% արդյունքով։ Ձայների հաշվարկի մեկնարկից հետո նա բոլորին կոչ է արել «հանգստանալ՝ անկախ թվերից» և հույս հայտնել, որ Մոլդովայում «այսուհետ կդադարեցվի պարտադրված ատելությունն ու պառակտումը»։
Սանդուն պաշտպանում է երկրի արևմտամետ ուղին և Եվրամիությանն անդամակցությունը: Ստոյանոգլոն վայելում է ընդդիմադիր Սոցիալիստների ռուսամետ կուսակցության աջակցությունը։ Ընտրություններին մասնակցությունը կազմել է 54,3 տոկոս։
