նախընտրելի դարձնել
52 տարի առաջ կորած կնոջը գտել են ողջ ու անվնաս, գրում է BBC News-ը։
Վեսթ Միդլենդսի ոստիկանությունը հայտնել է, որ Շեյլա Ֆոքսը, որն անհետացել էր Քովենթրիում 1972 թվականին, երբ 16 տարեկան էր, ապահով է և ապրում է երկրի մյուս մասում:
Դեկտեմբերին ոստիկանությունն իր կայքում և սոցիալական ցանցերում նոր դիմում էր հրապարակել՝ Ֆոքսին գտնելու համար օգնություն խնդրելով և տեղադրել նրա լուսանկարը, որն արվել էր աղջկա անհետացման ժամանակ:
Դիմումի տեղադրումից մի քանի ժամ անց հասարակության ներկայացուցիչները դիմել են ոստիկանություն տեղեկությամբ, որն օգնել է ավարտին հասցնել մարդու անհետացմանը վերաբերող ամենաերկարատև հետաքննություններից մեկը:
Ոստիկանության սերժանտ Ջեննա Շոուն՝ չբացահայտված գործերի հետաքննության խմբից, պատմել է, որ ոստիկանությունը «բացարձակ երջանիկ է», որ գտել է Ֆոքսին ավելի քան հինգ տասնամյակ հետո՝ «ուսումնասիրելով բոլոր ապացույցները Շեյլայի լուսանկարը գտնելու համար»:
