Հնագետները կարծում են, որ զուգարանի և մանրակրկիտ հետազոտության շնորհիվ նրանք հայտնաբերել են Անգլիայի վերջին անգլոսաքսոն թագավոր Հարոլդ Գոդվինսոնի լեգենդար «կորած» նստավայրը։

Հետազոտության արդյունքները հրապարակվել են Antiquaries ամսագրում:

Փորձագետները կասկածում էին, որ նրա կալվածքը ժամանակին եղել է արևմտյան Սասեքսի Բոշամ քաղաքում, մի վայր, որն ինչպես հայտնի է, հավերժացել է Բայեի գոբելենի վրա: Դա այդպես էլ չի ապացուցվել: Սակայն նոր ապացույցներ են ի հայտ եկել, որոնք հաստատում են այս ենթադրությունը: 2006 թվականին Նյուքասլի և Էքսեթերի համալսարանների թիմը վերանայեց նախկին պեղումների նախագիծը: Դրանում  հայտնաբերվեցին միջնադարյան երկու շինություններ, որոնցից մեկում եղել է զուգարան, ինչը հետագայում գիտնականներին թույլ տվեց պնդել, որ սեփականությունը պատկանել է Հարոլդ թագավորին։

Գիտնականներն օգտագործել են տարբեր մեթոդներ՝ ուսումնասիրելու ներկայումս մասնավոր սեփականությունը, որի տարածքում դեռ կանգուն է մ.թ. 10-րդ դարի նախկին եկեղեցին: Մանրակրկիտ ուսումնասիրությունից հետո, որը ներառում էր հարակից տարածքի երկրաֆիզիկական նկարահանում, մնացորդների հետազոտություն, քարտեզների և գրառումների ուսումնասիրություն և կրկնակի պեղումներ, նրանք կազմել են մանրամասն նկարագրություն, որի նմանը նախկինում չի եղել:

Հետազոտողների նոր զեկույցի համաձայն, տեղում հայտնաբերվել են երկու միջնադարյան կառույցներ՝ մեկը կցված է ներկայիս տանը, իսկ մյուսը գտնվում է այգում: 2006 թվականին արևմտյան Սասեքսի հնագետների կողմից նախորդ պեղումների ժամանակ զուգարան էր հայտնաբերվել:

Սակայն հնագետները սկսեցին բացահայտել այս միտումը, որը նկատվել է Անգլիայում մ.թ. 10-րդ դարից սկսած, միայն վերջին տասնամյակում: Այն ժամանակ էլիտայի շրջանում մոդայիկ էր զուգարանները տներում սարքել։

Հարոլդը թագավորեց ընդամենը ինը ամիս։ Նա սպանվել է 1066 թվականին Հասթինգսի ճակատամարտում, որը վերջ դրեց անգլոսաքսոնական տիրապետությանը Անգլիայում։ Բայեի գոբելենը պատկերում է Հարոլդի կյանքի վերջին պահերը, նախքան Նորմանդիայի դուքս Ուիլյամը կհաղթեր նրան մարտում։ Այն ժամանակվա անգլիական արիստոկրատիայից գործնականում ոչինչ չի մնացել։