Իսրայելի բանակի (ՑԱԽԱԼ) նոր շտաբի պետ, գեներալ-լեյտենանտ Էյալ Զամիրի հրամանով զինվորականներն այսօր առավոտյան արտահերթ վարժանքներ են անցկացրել՝ իրականացնելով  ՑԱԽԱԼ-ի բազաների և դիրքերի ներխուժումը նմանակող գրոհներ, հայտնում է Times of Israel-ը։

Իսրայելի պաշտպանության բանակի հայտարարության համաձայն, Իսրայելի հյուսիսում գտնվող Ռամաթ Դավիդ ավիաբազայում անցկացվող զորավարժություններում իրականացվելու են մի քանի ուղղություններից անակնկալ ներխուժման սցենարներ:

Բացի դրանից, Զամիրը հրամայել է Իսրայելի պաշտպանության բանակի հրամանատար, բրիգադի գեներալ Օֆեր Սարիգին Հյուսիսային հրամանատարության անակնկալ ստուգում անցկացնել։

ՑԱԽԱԼ-ի տեղեկացմամբ, բանակի տեսուչը հետևելու է Հյուսիսային հրամանատարության ստորաբաժանումների մարտունակությանը, կարգապահությանը և ամենօրյա գործողություններին։