նախընտրելի դարձնել
Գիտնականները զգուշացնում են, որ Հավայան կղզիները 40 անգամ ավելի արագ են անցնումմ ջրի տակ, քան սպասվում էր, եւ սարսափելի ջրհեղեղները կարող են սկսել ոչնչացնել ձեռնարկություններն ու տները տասնամյակների ընթացքում:
Նոր հետազոտությունը ցույց է տվել, որ Օահուի հիասքանչ ափամերձ տարածքները, ներառյալ Հոնոլուլուն, Վայկիկին, Փերլ Հարբորը եւ Էվա լողափը, կբախվեն կտրուկ փոփոխությունների, քանի որ ծովի մակարդակի բարձրացումը դրանք մղում է ջրի տակ, ինչի արդյունքում ենթակառուցվածքների ծախսերը կկազմեն 12,9 մլրդ դոլար, պարզվել է նոր հետազոտության արդյունքում:
Օահուի Հարավային ափի որոշ տարածքներ տարեկան ջրկի տակ են անցնում մոտ 25 միլիմետրով, ինչը 40 անգամ ավելի արագ է, քան սպասվում էր:
«Այն տարածքներում, որտեղ ջուրն արագ նստում է, ծովի մակարդակի բարձրացման հետեւանքները կզգան ավելի շուտ, քան նախկինում ենթադրվում էր, ինչը նշանակում է, որ պետք է ավելի շուտ պատրաստվել ջրհեղեղներին»,- գրել է հետազոտության համահեղինակ Քայլ Մյուրեյը, հետազոտության արդյունքները հրապարակվել են Communications Earth & Environment:
Հետազոտությունը ցույց է տվել, որ Փերլ Հարբորի հիմնական զբոսաշրջային տարածքը եւ Մապունապունայի շրջակա տարածքը կարող են հեղեղվել այս տասնամյակի ընթացքում՝ 30 տարի շուտ, քան սպասվում էր Մապունապունայի համար: Սակայն այնպիսի տարածքներ, ինչպիսին են Հոնոլուլուի կենտրոնը, օդանավակայանը, Ewa Beach-ը եւ Waikiki-ն, կսկսեն իսկապես զգալ դրա հետեւանքները մինչեւ 2080թ., երբ դրանք «կանոնավոր հեղղեումների ենթարկվեն»:
Մինչեւ 2080թ. կանխատեսվող ծովի մակարդակը կլինի ընդամենը վեց ոտնաչափից քիչ, ինչը կազդի ափամերձ այնպիսի տարածքների վրա, ինչպիսին է Մապունապունան:
Ըստ հետազոտության՝ մինչեւ 2100թ. ջրի մակարդակը կարող է բարձրանալ ութ ոտնաչափով:
