նախընտրելի դարձնել
Սպասվում է, որ ԱՄՆ նախագահ Դոնալդ Թրամփի սահմանած բարձր մաքսատուրքերը կանդրադառնան ամբողջ աշխարհում բիզնեսի վրա, հատկապես, եթե օտար երկրները ձեռնարկեն շատերի խոստացած պատասխան միջոցները, հայտնում է CNN-ը։
Թրամփի մաքսատուրքերը սպառնում են տապալել համաշխարհային առևտրային կարգը, որը պահպանվել է տասնամյակներ շարունակ, և բիզնեսի առաջնորդները անհանգստացած են, որ լարվածությունը դուրս կգա վերահսկողությունից Թրամփի Վարդերի այգում մեծ հայտարարություններից հետո, նշում է հեռուստաալիքը:
«Մաքսատուրքերի այս բարձրացման մասշտաբները զգալիորեն գերազանցում են 1930 թվականի տխրահռչակ Սմութ Հոուլի ակտը (The Smoot–Hawley Tariff Act) և ավելի քան 1,6 միլիարդ դոլար արժողությամբ ԱՄՆ արտահանումը կհանգեցնի առևտրային պատասխան միջոցների, - հայտարարել է Միջազգային առևտրի պալատի գլխավոր քարտուղար Ջոն Դենթոնը: -Համաշխարհային առևտրային համակարգի համար ակնառու համակարգային վտանգ կա, եթե ԱՄՆ պատասխան մաքսատուրքերը առևտրային պատերազմ հրահրեն, որում ներգրավված են մի քանի խոշոր առևտրային գործընկերներ»:
Դենթոնը հավելել է, որ «փոխադարձ սակագնային ծրագիրը կարող է ներկայացնել ԱՄՆ-ում վերջին մեկ դարում սակագների ամենամեծ բարձրացումը»:
Եվրամիությունը, Մեքսիկան, Կանադան, Չինաստանը, Ճապոնիան և Հարավային Կորեան խոստացել են արձագանքել Թրամփի վերջին մաքսատուրքերին:
Ավելի վաղ ԱՄՆ նախագահը հայտարարել էր, որ չորեքշաբթի օրվանից մաքսատուրքեր է սահմանելու ամբողջ աշխարհից ԱՄՆ ներկրվող ապրանքների վրա։ Մարտին նրա վարչակազմը մաքսատուրքեր սահմանեց պողպատի և ալյումինի ներմուծման վրա և հայտարարեց, որ ավտոմեքենաների համար ավելի բարձր մաքսատուրքերը ուժի մեջ կմտնեն այս հինգշաբթի:
