նախընտրելի դարձնել
Բրազիլիայի նախկին նախագահ Ժաիր Բոլսոնարոն երկուշաբթի վերականգնվում է ինտենսիվ թերապիայի բաժանմունքում՝ աղիների կրկնվող խնդիրներին առնչվող 12-ժամյա բարդ վիրահատությունից հետո, որը սկսվել է 2018 թվականին նախընտրական քարոզարշավի ժամանակ դանակահարվելուց հետո, հայտնում է Reuters-ը։
DF Star հիվանդանոցի բժիշկները լրագրողներին հայտնել են, որ պահպանողական կուսակցության 70-ամյա առաջնորդն ուշքի է եկել և «բավականաչափ լավ» է զգում ինտենսիվ թերապիայի բաժանմունքում, որտեղ նա կմնա աստիճանական ապաքինման համար:
Դա նրա հինգերորդ վիրահատությունն է 2018-ին կատարված դանակահարությունից հետո: Նախկին նախագահը հոսպիտալացվել է ուրբաթ՝ Բրազիլիայի հյուսիս-արևելքում կողմնակիցների հետ միջոցառման ժամանակ որովայնի սուր ցավից հետո, ինչը ստիպել է նրան դադարեցնել տարածաշրջանային շրջագայությունը, որի նպատակն էր աջակցություն հավաքել Գերագույն դատարանի դատավարությունից առաջ:
Շաբաթ երեկոյան Բոլսոնարոյին տեղափոխել են երկրի մայրաքաղաք Բրազիլիա, որտեղ նա ապրում է։ Վիրահատությունը բարդացել է Բոլսոնարոյի նախկին վիրահատությունների և դանակահարության պատճառով, սակայն կիրակի տեղի ունեցած պրոցեդուրան չի հանգեցրել անսպասելի բարդությունների, և արդյունքը գոհացուցիչ էր, ասել են բժիշկները՝ հավելելով, որ հիվանդանոց այցելություններն առայժմ պետք է սահմանափակվեն ընտանիքի անդամներով:
