նախընտրելի դարձնել
Համաշխարհային տնտեսական համաժողովի (ՀՏՀ) հոգաբարձուների խորհուրդը, որն ամեն տարի հանդիպում է Դավոսում, անկախ հետաքննություն է սկսել կազմակերպության հիմնադիր Կլաուս Շվաբի նկատմամբ։ Այս մասին երեքշաբթի հայտնել է The Wall Street Journal-ը՝ հղում կատարելով աղբյուրներին։
Նրանց տվյալներով՝ հետաքննություն սկսելու մասին որոշումը կայացվել է ապրիլի 20-ին տեղի ունեցած արտակարգ խորհրդակցության ժամանակ, որի պատճառը իրազեկչի նամակն էր, որում Շվաբին եւ նրա կնոջը մեղադրում էին ֆինանսական խարդախության եւ էթիկական խախտումների մեջ։ Հաջորդ օրը՝ ապրիլի 21-ին, Շվաբը հայտնել է, որ անմիջապես հեռանում է հոգաբարձուների խորհրդի նախագահի եւ անդամի պաշտոնից։ Որպես այդ քայլի պատճառ նշվել է Շվաբի տարիքը, նա 87 տարեկան է:
Անանուն իրազեկիչը նաեւ պնդել է, որ համաժողովի հիմնադիրը կազմակերպության միջոցները ծախսել է անձնական կարիքների համար, օրինակ՝ մերսումների, եւ աշխատակիցներին խնդրել է իր համար կանխիկ գումար հանել բանկոմատներից: Շվաբի կինը, իբր, իր համար շքեղ արձակուրդներ է կազմակերպել՝ օգտագործելով ՀՏՀ փողերը, թաքնվելով խորհրդանշական աշխատանքային հանդիպումների հետեւում.
Շվաբը հերքել է բոլոր մեղադրանքները, դրանք անվանել անհիմն եւ սպառնացել հոգաբարձուների խորհրդին դատական հայցով։
