ԱՄՆ նախագահ Դոնալդ Թրամփը Truth Social սոցիալական ցանցում հայտարարել է, որ կարգելի բողոքի ակցիաների մասնակիցներին դիմակներ կրել։

«Հիանալի աշխատանք, Ազգային գվարդիա, Լոս Անջելեսում երկու օրվա բռնություններից, բախումներից և անկարգություններից հետո։ Մենք ունենք ոչ կոմպետենտ նահանգապետ (Նյուսքամ) և քաղաքապետ (Բաս), որոնք, ինչպես միշտ (միայն տեսեք, թե ինչպես նրանք գլուխ հանեցին հրդեհներից, իսկ հիմա էլ՝ թույլտվություններ ստանալու իրենց ՉԱՓԱԶԱՆՑ ԴԱՆԴԱՂ աղետից։ Դաշնային թույլտվությունն արդեն ստացվել է), ի վիճակի չեն գլուխ հանել դրված խնդրից։ Արմատական ձախերի, սադրիչների և հաճախ վճարովի խռովարարների այս բողոքի ցույցերը ՉԵՆ ՀԱՆԴՈՒՐԺՎԵԼՈՒ։ Բացի այդ, այսուհետ բողոքի ցույցերին արգելվում է դիմակներ կրել։ Ի՞նչ ունեն թաքցնելու այդ մարդիկ և ինչո՞ւ??? Կրկին շնորհակալություն Ազգային գվարդիային՝ հիանալի կատարած աշխատանքի համար», - գրել է նա։

Ավելի վաղ ԱՄՆ նախագահը կարգադրել էր Կալիֆոռնիայում 2000 ազգային գվարդիական տեղակայել՝ նահանգում ներգաղթյալների ձերբակալությունների պատճառով սկսված բողոքի ակցիաների ֆոնին։