Ռուսաստանի նախագահ Վլադիմիր Պուտինը շնորհավորել է Սպիտակ տան աշխատակազմի ղեկավար Դոնալդ Թրամփին ԱՄՆ Սենատում իր գլխավորած օրինագծի հաջող ընդունման կապակցությամբ։ Դրա մասին հայտնել է Ռուսաստանի առաջնորդի միջազգային հարցերով օգնական Յուրի Ուշակովը, փոխանցում է ТАСС-ը։

«Նախագահ Թրամփը սկսեց նրանից, որ Վլադիմիր Պուտինին տեղեկացրեց ԱՄՆ Կոնգրեսում հարկային, ներգաղթի և էներգետիկ բարեփոխումների վերաբերյալ վարչակազմի առաջատար օրինագծի հաջող ընդունման մասին: Ինքը՝ Թրամփն այս օրինագիծն անվանում է «Մեծ, գեղեցիկ օրինագիծ»,- նշել է Ուշակովը:

Ըստ նրա՝ Ռուսաստանի առաջնորդը շնորհավորել է ամերիկացի նախագահին ինչպես այս օրենսդրական հաղթանակի, այնպես էլ ԱՄՆ Անկախության՝ 1776 թվականի հուլիսի 4-ին ընդունված հռչակագրի ստորագրման 249-ամյակի կապակցությամբ:  

Հուլիսի 1-ին ԱՄՆ Սենատը հաստատել է Թրամփի վարչակազմի 3,3 տրիլիոն դոլարի «Մեկ մեծ գեղեցիկ օրինագիծ» ակտը։ Փաստաթուղթը նախատեսում է լայնածավալ բարեփոխումներ հարկային, միգրացիոն և էներգետիկ ոլորտներում և նախագահի երկրորդ ժամկետի հիմնական նվաճումներից մեկն է։ Այժմ այն Ներկայացուցիչների պալատում է, որտեղ բուռն քննարկումներ է առաջացրել։