ԱՄՆ նախագահ Դոնալդ Թրամփը, Air Force One ինքնաթիռում պատասխանելով Իրանի վերաբերյալ հարցին, լրագրողներին հայտարարել է, որ երկրի միջուկային ծրագիրը «ընդմիշտ» հետ է շպրտվել։

Ըստ նրա, Թեհրանը կարող է վերսկսել իր ծրագիրը այլ վայրերում, այլ ոչ թե այնտեղ, որտեղ անցած ամիս հարվածներ են հասցրել ԱՄՆ-ն և Իսրայելը։

Թրամփը նշել է, որ Իրանը չի համաձայնել իր միջուկային ծրագրի տեսչական ստուգումներին և չի հրաժարվել ուրանի հարստացումից։

Ըստ նրա, ինքը այդ հարցը կքննարկի վարչապետ Բենիամին Նեթանյահուի հետ՝ երկուշաբթի օրը իսրայելցի վարչապետի՝ Սպիտակ տուն կատարելիք այցի ընթացքում։

ԱՄՆ նախագահը նաև վերահաստատել է իր համոզմունքը, որ Գազայում հրադադարի և պատանդների ազատ արձակման մասին համաձայնագիրը կարող է կնքվել հաջորդ շաբաթ։

Air Force One ինքնաթիռում գտնվող լրագրողը նրան հայտնել է, որ ՀԱՄԱՍ-ը դրական է արձագանքել հրադադարի վերաբերյալ վերջին առաջարկին։

«Դե ինչ, դա լավ է», - պատասխանել է Թրամփը՝ խոստովանելով, որ իրեն այդ հարցով դեռ չեն զեկուցել։