նախընտրելի դարձնել«Արտիստը» ֆիլմի շուն Ուգգին առաջադրված է «Ոսկե վզակալ» մրցանակի: Հոլիվուդում հատուկ կինոմրցանակ է սահմանված հանրահայտ շոտլանդացի կոլի ցեղատեսակի Լեսսի նշանավոր շան հաջորդների համար: Լեսսին ժամանակին հիացրել էր ժյուրիին իր խաղով: Այս մրցանակի հիմնադիրը «Դոգ նյուզ դեյլի» համացանցային կայքն է: Նա խոստացել է իր նախագծից ստացած ամբողջ շահույթը փոխանցել Լոս Անջելեսի եւ շրջակայքի շների համար նախատեսված հաստատություններին:
«Երազանքների ֆաբրիկա» եգիպտական թատրոնում հունվարի 18-ին հանդիսավոր կերպով հայտարարեցին «Ոսկե վզակալի» հավակնորդներին: Այդ պատվավոր պարտականությունն իր ուժերի ներածի չափով կատարել է մրցանակի գլխավոր հավակնորդը: Օգնում էր դերասանուհի Պենելոպա Էնն Միլլերը`Ուգգիի հաչոցը թարգմանելով մարդկային լեզվի:
Մրցանակի հավակնորդ են նաեւ տերյեր Կոսմոն, գրեյհաունդ Դենվերը, գաճաճ շպից Համմերը: Ուգգին 2 անգամ է առաջադրվել` «Արտիստում» Ջեքի դերի եւ «Ջուր փղերին» ֆիլմում Քուինի համար, հաղորդում է ԻՏԱՌ-ՏԱՍՍ-ը:
«Ոսկե վզակալի» մրցանակաբաշխությունը տեղի կունենա փետրվարի 13-ին Լոս Անջելեսի «Պալոմար» հյուրանոցում:
