Կուբայի նախագահ Միգել Դիաս-Կանելը խիստ դատապարտել է ԱՄՆ-ին Վենեսուելայի տարածքին հասցրած հարվածների համար։

«Կուբան դատապարտում եւ համառորեն պահանջում է միջազգային հանրության արձագանքը Վենեսուելայի դեմ ԱՄՆ հանցավոր հարձակմանը»,- գրել է նա Х սոցցանցում։

Կուբայի նախագահի խոսքով՝ հարավամերիկյան տարածաշրջանը ենթարկվում է «դաժան հարձակման»։

«Պետական ահաբեկչությունն ուղղված է խիզախ վենեսուելացի ժողովրդի եւ մեր Ամերիկայի դեմ։ Հայրենիք կամ Մահ։ Մենք կհաղթենք»,- ավելացրել է նա։