Կառավարությունն իր այսօրվա՝ հունվարի 29–ի նիստում պարտադիր զինծառայությունից ազատեց 4 ֆուտբոլիստների՝ Դանիել Մելիքի Աղբալյանին, Ֆինն Կասպեր Ադամ Էվարտ Ստենլիի Գերագուսյանին, Վադիմ Արսենի Հարությունյանին և Վահան Վարդանի Բիչախչյանին։

Նրանք հանդես են գալիս Ֆուտբոլի Հայաստանի ազգային հավաքականների կազմում։

Բացի Վահան Բիչախչյանից, մնացած երեքին ՀՀ քաղաքացիություն է շնորհվել 2025 թվականին, իսկ Վահան Բիչախչյանին նախորդ տարկետումը տրամադրվել է մինչև 26 տարին լրանալը՝ 09.07.2025 թ։

Ֆուտբոլիստներ Դանիել  Աղբալյանը և Վահան Բիչախչյանը ֆուտբոլի Հայաստանի Հանրապետության ազգային հավաքականի կազմում, իսկ  Ֆինն Կասպեր Ադամ Էվարտ Ստենլիի Գերագուսյանը և Վադիմ Հարությունյանը՝ ֆուտբոլի մինչև 21 տարեկանների Հայաստանի ազգային հավաքականի կազմում մասնակցելու են հավաքականների ուսումնամարզական հավաքներին  և միջազգային մրցումներին: