ԱՄՆ ֆինանսների նախարարությունը թույլատրել է Վենեսուելայի նավթի և գազի ոլորտում ներդրումների հետ կապված որոշակի գործողություններ։ Համապատասխան հավաստագիրը հրապարակել է Արտասահմանյան ակտիվների վերահսկողության գրասենյակը (OFAC)։

Փաստաթուղթը թույլ է տալիս «բանակցություններ վարել և նախնական պայմանագրեր կնքել Վենեսուելայի նավթի և գազի նախագծերում նոր ներդրումների համար», սակայն այդ պայմանագրերի իրական իրականացումը ֆինանսների նախարարության առանձին հաստատում է պահանջում։

Թույլտվությունը չի տարածվում Ռուսաստանի, Չինաստանի, Իրանի, Հյուսիսային Կորեայի և Կուբայի ընկերությունների և քաղաքացիների, ինչպես նաև նրանց վերահսկողության տակ գտնվող կազմակերպությունների վրա։

Ավելի վաղ՝ փետրվարի 11-ին, ԱՄՆ ֆինանսների նախարարությունը նմանատիպ հավաստագիր է տրամադրել Վենեսուելայի նավթին առնչվող որոշակի գործողությունների համար՝ արգելելով գործարքները Ռուսաստանի, Իրանի, Հյուսիսային Կորեայի և Կուբայի ֆիզիկական և իրավաբանական անձանց հետ։ Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Մոսկվան այդ հարցը կքննարկի Վաշինգտոնի հետ։