Նախընտրելի
Իրանի հետ հակամարտությունը ստիպել է ավիաընկերություններին 23,000 չվերթ չեղարկել, հաղորդում է Telegraph-ը։
Աշխարհի խոշորագույն միջազգային ավիաընկերությունը՝ Emirates-ը, հայտնել է դեպի Դուբայ թռիչքների կասեցման ժամկետը մինչև շաբաթ օրը երկարաձգելու մասին։
Ըստ ներքին գործերի նախարար Ալեքս Նորիսի՝ կառավարական առաջին փրկարարական չվերթը պետք է մեկներ այսօր ավելի ուշ, սակայն տեղում ստեղծված «օպերատիվ պատճառներով» այն հետաձգվել է։
Այս ֆոնին ավիաընկերությունների բաժնետոմսերը կտրուկ անկում են ապրել այն բանից հետո, երբ Wizz Air-ը հայտարարել է, որ Մերձավոր Արևելքի ճգնաժամն իրեն ավելի քան 50 միլիոն եվրոյի վնաս է պատճառել՝ չվերթների հարկադիր չեղարկումների պատճառով։
260 ինքնաթիռից բաղկացած ավիապարկ շահագործող հունգարական ավիաընկերությունը (Wizz Air) նախազգուշացում է տարածել շահույթի նվազման մասին՝ կապված «անբարենպաստ մակրոտնտեսական գործոնների» հետ, ինչպիսիք են նավթի և գազի գների աճը։
Ընկերության բաժնետոմսերն ընկել են 7,9%-ով այն բանից հետո, երբ այն զգուշացրել է, որ ընթացիկ ֆինանսական տարում վնասներ է ակնկալում, որոնք կգերազանցեն 25 միլիոն եվրոն։
Տուժել են նաև այլ ավիաընկերություններ. easyJet-ի բաժնետոմսերն ընկել են 4,7%-ով, իսկ British Airways-ի սեփականատեր IAG-ի բաժնետոմսերը՝ 3,7%-ով։ Միայն հինգշաբթի օրը բորսայում ցուցակված բրիտանական ավիաընկերությունների բաժնետոմսերը կորցրել են ավելի քան 845 միլիոն ֆունտ ստերլինգ։ Բրիտանական ավիաընկերությունների բաժնետոմսերի ընդհանուր արժեքը նվազել է գրեթե 3 միլիարդ ֆունտ ստերլինգով։
