Նախընտրելի
Շվեդիայի առափնյա պահպանությունը մարտի 6-ին հայտարարել է, որ ուրբաթ օրը բարձրացել է մի նավի տախտակամած և վերահսկողության տակ վերցրել այն: Նավը, որը չունի որևէ պետության պատկանելություն, կասկածվում է Բալթիկ ծովի շվեդական ջրերում գտնվելու մեջ։ Ներկայումս նավի վրա քննություն է իրականացվում. հայտնում է Reuters-ը։
«Այսօր՝ ժամը 15:50-ին, առափնյա պահպանությունը վերահսկողության տակ է վերցրել անհայտ դրոշի կարգավիճակ ունեցող մի նավ, որը, հետևաբար, կասկածվում է որպես քաղաքացիություն չունեցող նավ», - ասված է հայտարարության մեջ:
Ճշտվում է, որ կալանումը տեղի է ունեցել Շվեդիայի հարավային Տրելեբորգ քաղաքի ափերի մոտ։
Caffa նավը նավարկում էր Գվինեայի դրոշի ներքո, սակայն Շվեդիայի առափնյա պահպանությունը հայտարարել է, որ նավը համարում է «քաղաքացիություն չունեցող»՝ հիմնվելով ազգային և միջազգային օրենսդրության վրա: Շվեդական ոստիկանության տվյալներով՝ նավը կասկածվում է օտարի դրոշի ներքո նավարկելու մեջ: Marine Traffic նավերի տեղաշարժին հետևող ծառայության տվյալներով՝ Caffa-ն 96 մետր երկարությամբ բեռնատար նավ է: Շվեդիայի քաղաքացիական պաշտպանության նախարար Կարլ-Օսկար Բոլինը հաստատել է, որ այն բեռնատար նավ է, որը ներառված է Ուկրաինայի պատժամիջոցների ցանկում:
«Սեփականատիրության կառուցվածքն անհայտ է, և կան կասկածներ, որ նավն ապահովագրված չէ: Հաղորդվում է, որ դեռևս այս ամառ նավը փոխել է դրոշը՝ ռուսականից դառնալով գվինեական», - գրել է Բոլինը: Առափնյա պահպանությունը հայտարարել է, որ նախնական քննություն է սկսել՝ ծովային օրենսդրության խախտման կասկածանքով՝ նավի ոչ բավարար նավագնացային որակների պատճառով:
«Առափնյա պահպանության աշխատակիցները գտնվում են տախտակամածին՝ նավի և անձնակազմի վիճակի մասին տեղեկություններ հավաքելու, խուզարկություններ և հարցազրույցներ անցկացնելու նպատակով», - հավելել են գերատեսչությունում:
