նախընտրելի դարձնել
Թուրքիայի նախագահ Ռեջեփ Թայիփ Էրդողանը շաբաթ օրը զրույց է ունեցել Մեծ Բրիտանիայի վարչապետ Քիր Սթարմերի հետ՝ մտահոգություն հայտնելով Իրանի դեմ ամերիկա-իսրայելական հարձակումներից հետո վերջին շրջանում ստեղծված լարվածության վերաբերյալ, հաղորդել է Anadolu-ն։
«Թուրքիան ուշադիր հետեւում է Իրանի դեմ հարձակումներով սկսված գործընթացին։ Եթե այս ինտերվենցիաները շարունակվեն, դրանք կարող են զգալի վնաս հասցնել տարածաշրջանային եւ գլոբալ կայունությանը։ Նախկինի պես դեռ կան քայլեր, որոնք կարելի է ձեռնարկել երկխոսության հարթակ ստեղծելու համար, եւ խաղաղության հասնելու մեր ջանքերը շարունակվում են»,- ընդգծել է Էրդողանը հեռախոսազրույցի ժամանակ՝ ըստ Թուրքիայի ղեկավարի հասարակության հետ կապերի վարչության տարածած պաշտոնական հայտարարության։
Քննարկման ընթացքում անդրադարձ է եղել նաեւ երկկողմ հարաբերություններին, ինչպես նաեւ տարածաշրջանային եւ գլոբալ ավելի լայն հարցերի։
Հայտարարության համաձայն՝ Էրդողանը հաստատել է Մեծ Բրիտանիայի հետ բոլոր ոլորտներում, մասնավորապես՝ պաշտպանական արդյունաբերության մեջ, համագործակցությունը խորացնելու Թուրքիայի վճռական հանձնառությունը եւ նշել, որ այդ համագործակցությունը զարգացնելու քայլերը կշարունակվեն։
