Սպահանի պատմական հուշարձանները, ներառյալ Սեֆյանների դարաշրջանի «Չել Սոթուն» պալատը, վնասվել են այն բանից հետո, երբ երկուշաբթի օրը Իսրայելը ավիահարված է հասցրել նահանգապետարանի շենքին, հայտնում է CNN-ը՝ վկայակոչելով ականատեսներին։

Պալատը գտնվում է նահանգապետի գրասենյակի մոտակայքում։ Ըստ հաղորդումների՝ հարվածի պայթյունավտանգ ալիքը վնասել է համալիրի որոշ հատվածներ, որը հայտնի է իր որմնանկարներով, հայելային ավազանով և 17-րդ դարով թվագրվող պատմական սրահներով։

Սպահանի բնակիչներից մեկը նկարագրել է հուշարձանի տարածքում ուժեղացված անվտանգության միջոցառումները՝ նշելով, որ շրջակա փողոցները փակվել են, և մարդկանց արգելվել է մոտենալ. «Նրանք արգելափակում շրջակա փողոցները։ Հնարավոր չէ անցնել ո՛չ մեքենայով, ո՛չ ոտքով, երբեմն ստուգում են հեռախոսները։ Լուսանկարներ գրեթե չկան»։

«Չեհել Սոթունի և նահանգապետարանի միջև ընդամենը մի քանի ծառ կա և, ըստ ամենայնի, նույնիսկ դրանք են տուժել», — հավելել է տեղի բնակիչը։

Հաղորդվում է նաև ՅՈՒՆԵՍԿՕ-ի Համաշխարհային ժառանգության օբյեկտ հանդիսացող Նակշ-ե Ջահան հրապարակի շրջակայքում առկա վնասների մասին, որտեղ գտնվում են այնպիսի հուշարձաններ, ինչպիսիք են Ալի-Քափու պալատը և մի քանի պատմական մզկիթներ։

Այս հաղորդումները հայտնվել են այն բանից մի քանի օր անց, երբ ՅՈՒՆԵՍԿՕ-ն նախազգուշացրել էր Իրանի մշակութային ժառանգության օբյեկտների համար առկա ռիսկերի մասին՝ Թեհրանին հասցված նախորդ հարվածներից հետո։

Թեհրանի Գոլեստան պալատի վնասների վերաբերյալ հայտարարության մեջ գործակալությունը նշել է, որ օբյեկտը «ենթադրաբար տուժել է մայրաքաղաքի Արգ հրապարակի մոտակայքում իրականացված ավիահարվածի բեկորներից և հարվածային ալիքից»։ ՅՈՒՆԵՍԿՕ-ն ընդգծել է, որ «ուշադիր հետևում է Իրանում և ողջ տարածաշրջանում մշակութային ժառանգության հետ կապված իրավիճակին»։