նախընտրելի դարձնել
Իրանի Իսլամական հեղափոխության պահապանների կորպուսը (ԻՀՊԿ) սկսել է «Ճշմարիտ խոստում 4» գործողության 90-րդ ալիքը՝ թիրախավորելով տարածաշրջանում ԱՄՆ արդյունաբերական թիրախները, դրանց թվում՝ Արաբական Միացյալ Էմիրություններում և Բահրեյնում պողպատի և ալյումինի արդյունաբերական ձեռնարկությունները, հաղորդում է Press TV-ն։
ԻՀՊԿ-ն հինգշաբթի հայտարարել է, որ հարվածները հասցվել են ի պատասխան Իրանի արդյունաբերական թիրախների վրա նախկինում կատարված հարձակումների և զգուշացրել է հետագա սրման մասին, եթե նման հարձակումները շարունակվեն։ Պաշտոնական հայտարարության մեջ ԻՀՊԿ-ի հասարակայնության հետ կապերի բաժինը հաստատել է, որ հրթիռների և անօդաչու թռչող սարքերի օգտագործմամբ գործողությունը հաջողությամբ ոչնչացրել է տարածաշրջանում ԱՄՆ-ի և Իսրայելի ռազմական շահերը ներկայացնող կարևորագույն ենթակառուցվածքները։
ԻՀՊԿ-ի հայտարարության մեջ մանրամասն նկարագրվել է Աբու Դաբիում, Արաբական Միացյալ Էմիրություններում, ամերիկյան պողպատաձուլական գործարանների և Բահրեյնում ալյումինի հալեցման գործարանների ոչնչացումը, որոնք, ըստ տեղեկությունների, նախորդ հարձակումներից չեն վնասվել։
Գործողությունը թիրախավորել է նաև ԱՄՆ ռազմական օբյեկտները, դրանց թվում՝ «Ռաֆայել» զենքի գործարանները և Բահրեյնի մայրաքաղաք Մանամայի մոտ տեղկայված ԱՄՆ զորքերի գաղտնի դիրքերը։
Իսլամական հեղափոխության պահապանների կորպուսը հայտնել է նաև, որ հարձակման հետևանքով զոհվել կամ վիրավորվել են տասնյակ ամերիկացի զինվորներ, և որ անվտանգության ուժերն անմիջապես մոեկուսացրել են տարածքը: Շտապօգնության ծառայությունների աշխատանքները շարունակվել են մի քանի ժամ, քանի որ վիրավորները տարհանվել են: ԻՀՊԿ-ն շարունակել է հարձակվել իսրայելական և ամերիկյան ռազմական թիրախների վրա ամբողջ Արևմտյան Ասիայում։
ԻՀՊԿ-ի հասարակայնության հետ կապերի վարչությունը հայտարարել է, որ գործողության 90-րդ ալիքի երկրորդ փուլը թիրախավորել է նաև Թել Նոֆում, Պալմաչիմում և Բեն Գուրիոնում տեղակայված իսրայելական ավիաբազաները, ինչպես նաև Թել Ավիվում, Հայֆայում, Էյլաթի, Նեգևի և Բեեր Շեբայի ռազմական հավաքատեղիները: Քուվեյթի Ահմադ ալ-Ջաբերի և Ալի ալ-Սալեմի, ինչպես նաև Սաուդյան Արաբիայի ալ-Խարջի ամերիկյան ռազմաբազաները նույնպես հարված են ստացել բալիստիկ հրթիռներով և անօդաչու թռչող սարքերով:
