նախընտրելի դարձնել
Գերմանիայի իշխանությունները, ինչպես հայտնի է դարձել Bild-ին, Հորմուզի նեղուցի շրջափակման ֆոնին հետևում են նավթի, բենզինի և կերոսինի պաշարներին։ Այդ նպատակով Ազգային անվտանգության խորհրդին առընթեր ստեղծվել է ճգնաժամային շտաբ՝ Էկոնոմիկայի նախարարության պետքարտուղար Ֆրանկ Վետցելի գլխավորությամբ։ Գերմանիայում այժմ քննարկում են, ի թիվս այլնի, ավիացիոն վառելիքի պաշարների ծավալները։
Գերմանիայում կերոսինի սեփական արտադրությունը կազմում է տարեկան 4,5 միլիոն տոննա։ Եվս 6,1 միլիոն տոննա երկիրը ներմուծում է, իսկ 1,4 միլիոն տոննա՝ վաճառում արտերկիր։ Բացի դրանից, արդյունաբերական պահեստարաններում փետրվարի վերջի դրությամբ կար 300 հազար տոննա կերոսին, իսկ պետական ռեզերվի պաշարները, որոնք կառավարում է Նավթի պահպանման միությունը, գնահատվում են մոտ 1,1 միլիոն տոննա։ Ընդհանուր առմամբ դա կազմում է 10,6 միլիոն տոննա՝ տարեկան 9,2 միլիոն տոննա սպառման պայմաններում, այսինքն՝ պահուստային պաշարը ձևականորեն կազմում է մոտ 1,4 միլիոն տոննա։
Խնդիր կարող է դառնալ մայիսի 1-ից «Դրուժբա» նավթամուղով Ղազախստանից մատակարարումների դադարեցումը։ Խոսքը նախևառաջ Բեռլինի և Բրանդենբուրգի երկրամասի, ինչպես նաև Շվեդտ քաղաքի նավթավերամշակման գործարանի մատակարարման մասին է, որտեղ նավթը վերամշակվում է, վերամշակվում է նաև կերոսինը՝ Բեռլինի օդանավակայանի համար։
«Խողովակաշարի փակումը կխորացնի ներկայիս էներգետիկ ճգնաժամը։ Կարելի էր ակնկալել, որ պատասխանատու անձինք արդեն դիտարկել են այդ սցենարը և ունեն այլ աղբյուրներից Շվեդտ նավթ մատակարարելու ծրագրեր»,- ասել է ifo ինստիտուտի նախագահ, պրոֆեսոր Կլեմենս Ֆյուստը։
